冰天雪地食雪條

有無朋友天寒地冬鐘意食雪糕雪條呢?😆 如果有不如試下呢個啦! 唔知大家有冇飲過喜茶嘅多肉葡萄」＋「芝芝桃桃」呢，作為一個珍珠奶茶忠實fans,見到有茶飲店將杯茶變咗做雪條，梗係要即刻試下啦。 雪條由台灣製造，食起上嚟最驚喜就係......唔甜！！你知啦，最好食嘅甜品就係唔甜🤣。 首先係最外面嗰層綠妍茶冰茶，甜度係最弱，一下咬落第一下感覺係有少少澀澀哋。 再咬落去就係選用時令水果製作嘅水果層，有葡萄同桃桃，甜度算係最高。桃桃比葡萄多咗陣香味，同埋更滑。 最底層有鹹甜得宜海鹽芝士奶蓋，同杯嘢飲一樣，係靈魂所在。 整體嚟講，還原度都好高，唔太甜，夠香夠滑，個人更喜歡桃桃味。 不過價錢嚟講，就真係有啲偏貴（媽媽我窮呀🤣），如果日後可以有promotion推出就更加好啦！ 喜茶「多肉葡萄雪條」＋「芝芝桃桃雪條」 零售點：7-Eleven及Circle K 售價：$23 #喜茶 #雪條